0
Тошкентда йўловчи автобус ЙТҲга учради
Оқибатда 6 киши тан жароҳати олиб, шифохонага юборилган.
Тошкент шаҳрининг Юнусобод туманида автобус ва 2 та машина иштирокида йўл-транспорт ҳодисаси содир бўлди. Ҳолат юзасидан шаҳар ИИББ ахборот хизмати маълумот берди.
Ҳодиса бугун, 24 август куни Юнусобод туманининг ТXАЙ кўчасида соат 17:00 атрофида юз берган. Унда 1978 йилда туғилган Т. Ш. бошқарувидаги SAZ LE60 русумли йўловчи ташувчи автобус, 1981 йилда туғилган У. Р. бошқарувидаги Дамас ва 1988 йилда туғилган М. Р. бошқарувидаги Матиз ўзаро тўқнашган.
ЙТҲ оқибатида Матиз ҳайдовчиси, Дамаснинг бир нафар ва автобуснинг икки нафар йўловчиси тан жароҳати олиб, шифохона олиб борилган.
Ҳозирда ҳолат юзасидан Тошкент шаҳар ИИББ ЙҲХБ томонидан терговга қадар текширув ўтказилмоқда.
