Moderna рақобатчиларини судга берди
У Pfizer ва BioNTech’ни технологияларни ноқонуний ўзлаштиришда айблади.
АҚШнинг Moderna фармацевтик компанияси Pfizer ва BioNTech’ни судга берди. Ушбу компаниялар коронавирусга қарши вакциналарни ишлаб чиқиш технологиясини ўғирлашда айбланган.
Moderna шу орқали ўзи ихтиро қилган mRNA технологик платформасини ҳимоя қилмоқчи. Унга миллиардлаб доллар инвестиция киритилгани ва бу платформа пандемиядан анча олдин патентлангани айтилмоқда.
“Биз Pfizer ва BioNTech Moderna ихтиросини ноқонуний ўзлаштирган ва ҳамон бизнинг рухсатимизсиз фойдаланишда давом этмоқда”, – деган компания юристи Шэннон Клингер.
Даъво Массачусетс штати ва Германия (айнан шу ерда BioNTech штаб-квартираси жойлашган)даги судга киритилган.
