СамДУ ректори Осиё университетлари ассоциацияси президенти бўлди
Ўзбекистон Республикаси фан арбоби Рустам Холмуродов Ассоциацияга икки йил президентлик қилади.
"Олтой – Осиё" В халқаро таълим форуми доирасида Россияда Осиё университетлари ассоциациясининг Конгресси ўтказилди. Унда 8 та давлатдан 72 та университетнинг ректор ва проректорлари, жами 112 нафар делегат иштирок этди.
Ушбу форумда Самарқанд давлат университети ректори, Ўзбекистон Республикаси фан арбоби Рустам Холмуродов онлайн тарзда иштирок этди.
Учрашувда 2020-2022 йиллардаги ишларни сарҳисоб қилиш, ассоциациянинг янги аъзоларини қабул қилиш, тасдиқлаш, Осиё университетлари ассоциасияси президенти ва вице-президентларини сайлаш каби масалалар кўриб чиқилди.
Сўнгги қарор билан Самарқанд давлат университети ректори Осиё университетлари ассоциациясининг янги президенти этиб сайланди. Ассоциацияга президентлик лавозимининг муддати икки йил бўлиб, 2022-2024 йилларни ўз ичига олади.
Осиё университетлари ассоциациясининг Конгрессида, Ўзбекистон, Хитой, Россия, Қозоғистон, Қирғизистон, Мўғулистон, Тожикистон ва Арманистондан делегатлар иштирок этди.
