ШҲТ Самарқанд саммити Telegram каналларда қандай ёритилди?
1-18 сентябрь оралиғида дунё ОАВининг телеграм саҳифаларида ШҲТ Самарқанд саммитига доир 51 мингдан ортиқ пост қолдирилди.
Ушбу хабар ва мақолалар 340 миллиондан ортиқ фойдаланувчиларни қамраб олган. Бу ҳақда Ўзбекистон ТИВ матбуот котиби Юсуп Кабулжанов маълум қилди.
Шунингдек, 6 та тилда 51 670 хабарлар нашр этилган. Уларнинг 26 311 ўзбекистонлик ОАВга тегишли.
Маълумот учун: саммит якунлари бўйича 44 та ҳужжат имзоланди. Хусусан, Эрон ШҲТда мажбурият меморандумини имзолаб, ушбу давлатнинг ташкилотга аъзо бўлишига йўл очди. Шунингдек, Беларусни ташкилот аъзолигига қабул қилиш тартиби бошланиши тўғрисидаги ҳужжат имзоланди.Бундан ташқари, бир қатор давлат раҳбарлари ўртасида икки томонлама учрашувлар ўтказилиб, турли масалалар муҳокама қилинди.
