Ўзбекистондаги энг “топ” ОТМлар қайси?
Олий ва ўрта-махсус таълим вазирлиги бу бўйича маълумот берди.
Олий ва ўрта-махсус таълим вазирлиги Республикадаги ОТМлар умумий рейтингини эълон қилди. Бу ҳақда вазирлик расмий Telegram каналида хабар берилди.
Унга кўра, “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети Ўзбекистондаги энг яхши ОТМ бўлди. Иккинчи ўрин Ўзбекистон миллий университетига насиб қилган. Кучли бешликни Тошкент молия институти, Самарқанд давлат университети ва Навоий давлат кончилик институти якунлаган.
Энг қуйи натижа қайд этган ОТМлар эса қуйидагилар:
— Термиз муҳандислик технология институти;
— Ўзбек миллий мусиқа санъати институти;
— Фарғона жамоат саломатлиги тиббиёт институти;
— Термиз агротехнологиялар ва инновацион ривожланиш институти;
— Қарши давлат университетининг педагогика институти.
