Ўзбекистонда пуллик йўллар қачондан ишга тушади?
Бу ҳақда Давлат-хусусий шерикликни ривожлантириш агентлиги директори маълумот берди.
АОКАда Молия вазирлиги ҳузуридаги Давлат-хусусий шерикликни ривожлантириш агентлиги томонидан матбуот анжумани ўтказилди. Унда республиканинг масъул вазирлик ва идоралар билан биргаликда 2019-йилдан жорий йилнинг сентябрь ойига қадар умумий қиймати 12,4 миллиард доллардан ортиқ бўлган жами 423 та давлат-хусусий шериклик (ДХШ) лойиҳаси бўйича ишлар олиб борилгани қайд этилди.
Қайд этилишича, 2022-2026 йилларда транспорт соҳасида амалга оширилиши режалаштирилган 5 та йирик лойиҳа бўйича ҳужжатлар тайёрлаш ва ўрганиш ишлари давом этмоқда: Булар:
✅ Жаҳон банки маслаҳат кўмагида амалга оширилаётган Тошкент-Андижон пуллик автомобиль йўлини қуриш лойиҳаси;
✅ Европа тикланиш ва тараққиёт банки маслаҳат кўмагида амалга оширилаётган Тошкент-Самарқанд пуллик автомобиль йўлини қуриш лойиҳаси;
✅ Самарқанд ва Шаҳрисабз шаҳарлари орасида 66 км.лик автомобиль йўли ва Тахтақорача довонида 4,4 км.лик туннель қуриш лойиҳаси.
Агентлик директори Зокир Бозоровнинг айтишича, Тошкент-Андижон ва Тошкент-Самарқанд пуллик автомобиль йўллари 2026 йилгача қуриб битказилади.
