Энди 15 ёшга тўлмаган шахслар билан меҳнат шартномаси тузиш мумкин
Бу янги таҳрирдаги кодексда белгилаб қўйилди.
Ўзбекистонда меҳнат шартномасини тузиш билан боғлиқ муносабатларда ўзгариш бўлади. Бу ҳақда янги таҳрирдаги Меҳнат кодексида кўрсатиб ўтилган.
Унга кўра, ишга қабул қилишда йўл қўйиладиган ёшга аниқлик киритилмоқда. Эндиликда маданий-томоша ташкилотларида, телевидение, радиоешиттириш ташкилотларида ва бошқа оммавий ахборот воситаларида ота-онанинг ёки ота-она ўрнини босувчи шахснинг розилиги ҳамда васийлик ва ҳомийлик органининг рухсати билан, соғлиғига ва маънавий камол топишига зиён етказмасдан асарларни яратиш ва (ёки) ижро этишда (кўргазмага қўйишда) иштирок этиш учун ўн беш ёшга тўлмаган шахслар билан меҳнат шартномасини тузишга рухсат берилмоқда.
Эслатиб ўтамиз, янги таҳирдаги Меҳнат кодекси 6 ойдан сўнг кучга киради.
