Президент: Ўзаро иқтисодий алоқаларни чуқурлаштириш керак
Шавкат Мирзиёев ТДТ давлат раҳбарлари йиғилишидаги нутқида бир қатор муҳим ташаббусларни илгари сурди.
Шавкат Мирзиёев ТДТ давлат раҳбарлари йиғилишидаги нутқида иқтисодий йўналишдаги ҳамкорлик бўйича бир қатор муҳим ташаббусларни илгари сурди.
Президентнинг сўзларига кўра, ҳозирги кунда Ўзбекистон ташқи савдосининг бор-йўғи 4 фоизи ТДТ давлатлари ҳисобига тўғри келмоқда. Давлат раҳбари бошжона тарифларини қайта кўриб чиқиш зарурлигини қайд этди. Бундан ташқари, савдо, инвестициялар ва хизматлар эркин айланишини таъминлаш учун Ҳар йили ТДТ иқтисодий форумини ўтказиш таклиф қилинди.
Бундан ташқари, Шавкат Мирзиёев транспорт соҳасидаги ҳамкорликни кучайтириш зарурлигини таъкидлади.
“Ҳозирда Транскаспий халқаро коридори ҳақида кўп гапирилмоқда, аммо бу борада ҳали кўп иш амалга оширилиши керак”, – деган Президент.
Ҳозирги кунда Ўзбекистон ушбу халқаро транспорт йўлаги орқали 10 фоиз юкларни ташиётгани айтилди.
Бундан ташқари, Шавкат Мирзиёев озиқ-овқат хавфсизлигини таъминлаш бўйича бир қатор ўта муҳим таклифлар берди.
Биринчидан, глобал ва ташкилот давлатлари бозорлари эҳтиёжидан келиб чиқиб озиқ-овқат етказиб бериш бўйича битим тузиш;
Иккинчидан, инновация ва илғор технологияларни янада чуқур татбиқ қилиш учун ТДТ ва БМТнинг Қишлоқ хўжалиги ва озиқ-овқат ташкилоти ўртасида ҳамкорликни кучайтириш;
Туркий агрофорумни мунтазам ўтказиш таклиф қилинди.
