Британиянинг янги Бош вазири илк бор Украинага келди
Риши Сунак Зеленский билан учрашди.
Президент Владимир Зеленский Украинага илк бор ташриф буюрган Буюк Британия бош вазири Риши Сунак билан учрашди.
Зеленский Сунакнинг ташрифи икки давлат учун ниҳоятда мазмунли ва фойдали бўлганини таъкидлади.
"Биринчи навбатда, Бош вазирга Украинани принсипиал қўллаб-қувватлагани ва музокараларимиздаги максимал конструктивлик учун миннатдорчилик билдираман. Бугун биз мамлакатларимиз ва глобал хавфсизлик учун муҳим бўлган барча масалаларни муҳокама қилдик", — деди президент.
Зеленский Британия Бош вазири Риши Сунакга Россия ракета зарбалари оқибатлари ҳақида маълумот берди. Хусусан, унинг сўзларига кўра, бугунги кунгача Украина энергетика инфратузилмасининг ярмига яқини шикастланган.
Учрашувда томонлар Украина ва Европанинг энергия хавфсизлигини ҳимоя қилиш имкониятларини муҳокама қилдилар.
"Жаноб Риши Сунак ва унинг жамоаси айтган таклифлар мазмунли ва жуда яхши тайёрланган. Биз сизга ишонамиз", - дея қўшимча қилди Владимир Зеленский.
У, шунингдек, яқин келажакда кучга кириши керак бўлган Россия энергия ресурсларининг экспорт нархини энг самарали чеклаш муҳимлигини таъкидлади.
