НАТО давлатлари Украинани алянсга қўшилиш мавзусидан ўзини олиб қочмоқда - Politico
Бу позициянинг бир неча сабаблари борлиги айтилмоқда.
НАТО давлатлари Украинанинг алянсга аъзо бўлиши мумкинлиги ҳақидаги мавзудан четлашмоқда, дея маълум қилди Politico.
Хабарга кўра, алянсга аъзо давлатлар вакиллари Россия билан ҳарбий можародан қўрқиб, Украинанинг НАТОга қўшилиши масаласига тегмоқчи эмас. Бу позициянинг бир нечта сабаблари бор, улардан бири - Украина ҳарбий блокка қандай ва қачон қўшилиши ҳақида умумий тушунчанинг йўқлиги. Шунингдек, Европа ҳукуматлари “Россиянинг НАТОнинг шарққа томон кенгайишига жим қараб турмаслигини билиб, Кремлни қўзғатмоқчи эмас”.
Ўтган ҳафта НАТО ташқи ишлар вазирлари йиғилишининг якуний баёнотида Украинанинг қачонлардир Иттифоққа қўшилиши ҳақидаги масала ноаниқлигича қолган.
