2022 йилда ўлдирилган журналистлар сони максимал даражага етди
Энг кўп ОАВ ходимлари Украинада ҳалок бўлган.
Халқаро Журналистлар Федерациясининг Инсон ҳуқуқлари куни муносабати билан қабул қилинган декларациясига кўра, 2022 йилда ўлдирилган журналистлар сони максимал даражага етди.
Жорий йилнинг 1 январидан буён 67 нафар ОАВ ходимлари ҳаётдан кўз юмган, бу ўтган йилга нисбатан 20 нафарга кўп. Журналистлар ҳалок бўлган мамлакатларнинг қайғули рейтингида биринчи ўринда Украина турибди. Россия босқинининг бошидан бери бу ерда 12 киши ҳалок бўлди. Ундан кейинги ўринларда Мексика (11 нафар журналист). Гаитида 6 та масс-медиа вакили ўлдирилган.
Қайд этилишича, сиёсий репрессия қурбонига айланган журналистлар сони ҳам ошган. Ҳозирда 375 нафар оав ходимлари панжара ортида. Хитой ва унинг Гонконгдаги иттифоқчилари 84 нафар қамоққа олинган журналистлар рўйхатида биринчи ўринни эгаллаган бўлса, Мянма (64), Туркия (51), Эрон (34), Беларус (33), Миср (23), Россия ва босиб олинган Қрим (29) Саудия Арабистони (11), Яман (10), Сурия (9) ва Ҳиндистон (7) кейинги ўринларда турибди.
“Журналистикани ҳимоя қилиш бўйича аниқ чора-тадбирлар кўриш вақти келди", — дейилади баёнотда.
Шу мақсадда Халқаро Журналистлар Федерацияси БМТнинг навбатдаги Бош Ассамблеясида Журналистларни ҳимоя қилиш ва хавфсизлиги тўғрисидаги конвенцияни овозга қўйиш ниятида.
