Пенсия тайинлашда фуқаролардан фақат паспорт ёки идентификация ID-картаси талаб этилади

 

Пенсия тайинлашда фуқаролардан фақат паспорт ёки идентификация ID-картаси талаб этилишини ҳисобга олиб, фуқаролардан иш стажи ва иш ҳақи тўғрисидаги маълумотларни рақамлаштириш лозим бўлади. Маълумотларни рақамлаштирилганлик ҳолатини my.mehnat.uz ёки my.gov.uz порталидан рўйхатдан ўтган ҳолда текшириш мумкин.

 

Вазирлик меҳнат фаолиятини давом эттираётган ва тугатаётган фуқароларга ҳам мурожаат билан чиқди.

 

Меҳнат фаолиятини давом эттираётган фуқаролар диққатига:

Агар Сиз бугунги кунда меҳнат фаолиятингизни давом эттираётган бўлсангиз, унда иш жойингиздаги кадрлар бўлимига мурожаат қилишингиз ва меҳнат дафтарчаси ҳамда диплом маълумотларингизни “Ягона миллий меҳнат тизими” (ЯММТ) идоралараро дастурий-аппарат комплексига киритишни талаб қилишингиз ҳамда тўғри киритилганлиги бўйича текшириб чиқишингиз сўралади.

 

Меҳнат фаолиятини тугатган фуқаролар диққатига:

Агар Сиз бугунги кунда меҳнат фаолиятингизни давом эттирмаётган бўлсангиз, унда исталган Бандликка кўмаклашиш марказларига мурожаат қилишингиз ҳамда меҳнат дафтарчангиздаги маълумотларни “Ягона миллий меҳнат тизими” (ЯММТ) идоралараро дастурий-аппарат комплексига киритиш хизматидан фойдаланиш ҳуқуқига эгасиз.

(Ушбу хизмат бепул амалга оширилади.)

 

"Эслатиб ўтамиз, пенсия миқдори иш стажи ва иш ҳақига боғлиқдир. Қўшимча саволлар бўйича Пенсия жамғармаси “Ишонч телефони” 11-40 қисқа рақамига мурожаат қилишингиз мумкин", — дейилади хабарда.