АҚШда ҳар икки партия Украинани қўллаб-қувватлашда давом этади
Блинкен Россияга босим ҳам давом этишини айтди.
АҚШ Конгресси Украинани қўллаб-қувватлаш ва “Россияга босим ўтказишни” давом эттиришга қарор қилди. Бу ҳақда АҚШ давлат котиби Энтони Блинкен АҚШ-Африка саммити якунларига бағишланган матбуот анжуманида эълон қилди.
Блинкеннинг таъкидлашича, ўтган ҳафтада у америкалик сенаторлар билан учрашган, пайшанба куни эса вакиллар палатаси аъзолари билан кўришган.
“У ерда эшитганларим Украинага ўзини ҳимоя қилиши учун икки партиявий ёрдамимизни давом эттиришга ва агрессияга нуқта қўйиш мақсадида Россияга босим ўтказишга ишора қилади”, - деди у.
