Қандли диабетни дори-дармонсиз даволаш мумкинми?
Бу бўйича олимлар тадқиқот ўтказди.
Хитой олимлари қандли диабетнинг 2-туридан дори воситаларисиз халос бўлиш йўлини топди. Бу ҳақда Соғлиқни сақлаш вазирлиги маълумот берди.
Тадқиқотчилар фикрича, вақти-вақти билан оч юриш мазкур касалликни даволашга хизмат қилади. Яъни бемор ҳар куни белгиланган соатдан бошлаб маълум муддат овқатланишдан тийилса, қандли диабет ва юрак-қон томир тизими касалликларининг ривожланиш хавфи кескин камаяди.
Бу хулосани амалиётда тасдиқлаш учун қандли диабетнинг 2-турига чалинган 36 нафар бемор тадқиқотга кўнгилли сифатида жалб этилди.
Якунда олимлар томонидан тавсия этилган ўзига хос парҳез туфайли хасталарнинг 90 фоизи дори-дармонлар қабул қилишни камайтиришга муваффақ бўлди. Беморларнинг 55 фоизи эса камида бир йил давомида препаратлар муолажасини бутунлай тўхтатди.
