Инсон учун кунлик уйқу меъёри қанча?
Бу бўйича мутахассис маълумот берди.
Одам сутка давомида беш соатдан кам ухласа, унда сурункали касалликлар ривожланиш хавфи 20 фоизга ошади. Уйқусизлик асоратлари, айниқса, ўрта ва кекса ёшли инсонлар саломатлигига кўпроқ хавф солади.
Мутахассиснинг фикрича, носоғлом турмуш тарзи, хусусан, асабийлашиш, безовталик, ухлашдан аввал меъёридан ортиқ овқатланиш, ёруғ муҳит каби омиллар уйқусизликка сабаб бўлади.
Оқибатда иммунитет пасайиб, инсон турли касалликларга чалинишга мойил бўлиб қолади. Фойдали иш коеффиценти камайиб, диққатни жамлай олмаслик, хотира сусайиши кузатилади.
Кам ухлаган инсон юрак-қон томир касалликларига чалиниши, бош оғриғи, депрессия, стрессдан азият чекиши мумкин.
Одатда бир кеча-кундузда чақалоқлар 18-19 соат, болалар 11-12 соат, катта ёшлилар 7-8 соат ухлаши меъёр ҳисобланади.
