Газ нархи уруш бошидан бери минимумга тушди
Россиянинг ҳарбий можароси бошланишидан 2 кун олдин, яъни 22 февралда газ нархи мегаватт-соатига 80 евродан пастроқ бўлган.
Европанинг TTF хабида сешанба кунги савдо давомида газ нархи мегаватт-соатига 77 евро тушди. Бу минг кубометрига 820 еврони билдиради. Бу Украинадаги можаро бошидан бери энг паст кўрсаткич.
Россиянинг ҳарбий операцияси бошланишидан 2 кун олдин, яъни 22 февралда газ нархи мегаватт-соатига 80 евродан пастроқ бўлган. Август охирига келиб газ нархи рекорд даражада кўтарилиб, мегаватт-соатига 350 еврога етди.
Газ нархи пасайишига декабрь ойида Европада иссиқ ҳаво ҳукмрон бўлгани ва шамол электр станцияларидан катта миқдорда қувват олингани сабаб бўлди.
Германия газ омборлари 88,2% га тўлалигича қолмоқда. Ноябрь бошида ҳам Россия етказмалари тўхтатилганига қарамай улар 99%га тўла бўлган.
