Тошкентда жамоат транспорти 31 декабрь куни қай тартибда ишлайди?
Бу бўйича расмийлар маълумот берди.
31 декабрь куни Тошкент шаҳрининг марказий қисмлари орқали ҳаракатланувчи барча автобус йўналишларининг ҳаракати соат 24:00 гача узлуксиз равишда ташкил этилади. Бу ҳақда «Тошшаҳартрансхизмат» АЖ ахборот хизмати хабар бермоқда.
Маълум қилинишича, пойтахтда Янги йил байрам тантаналарини нишонлаш кунларида жамоат транспорти фаолияти қуйидаги тартибда ташкил этилади:
- 2 январь, душанба — дам олиш куни. Якшанба кунлари учун тасдиқланган жадвал асосида;
- 3 январь, сешанба — 7 январь шанба кунидан кўчирилган қўшимча дам олиш куни. Шанба кунлари учун тасдиқланган жадваллар асосида;
- 7 январь, шанба — 3 январь сешанба кунига кўчирилган иш куни. Иш кунлари учун тасдиқланган жадваллар асосида.
