Саратонга оид олти афсона

 

4 февраль бутунжаҳон саратонга қарши кураш куни сифатида нишонланади. Ҳар йили дунёда ушбу касаллик ҳақида кўпроқ маълумотга эга бўлиш учун кўплаб ишлар амалга оширилади.

 

Саратонга қарши кураш халқаро иттифоқи касалликнинг олдини олиш бўйича чора-тадбирларни амалга оширадиган ташкилот бўлиб, ҳозирда у ўз ичига онкологик касалликларга қарши курашга ихтисослашган 900 дан ортиқ ташкилотни жамлаган.

 

Амалга оширилаётган ишларга қарамай, саратон ҳақида ҳақиқатдан йироқ қарашлар одамлар орасида кенг тарқалган. “ТАСС” агентлиги уларнинг олтитасини келтиради.

 

Биринчи афсона: саратон юқумли

Саратонни бошқалардан юқтириб бўлмайди. Бир бинода яшаш, умумий кийимлар ёки бир хил буюмлардан фойдаланиш хавфсиз.

 

Иккинчи афсона: саратон ҳар доим ўлим билан тугайди

Агар касаллик бошланғич даврда аниқланса ва бемор тўғри муолажа қилинса, тўлиқ тузалмаса ҳам, узоқ умр кўриш имконияти бор.

 

Учинчи афсона: Ширинликлар саратонга “ёрдам беради”

Одам организмидаги барча ҳужайралар глюкоза орқали қувватланади. Ширинлик истеъмолини чеклаш мумкин, аммо парҳезни фақат врачь кўрсатмаси билан бошлаш керак.

 

Тўртинчи афсона: саратон — ёмон ишлар учун жазо

Саратонга турли одамлар чалиниши мумкин. Баъзида бу афсона муолажага халал беради: беморлар саратон жазо деб ҳисоблайди ва муолажа олмайди.

 

Бешинчи афсона: Саратонга қарши препарат бор, аммо уни сир тутишади

Ҳозирда саратонга қарши универсал дори мавжуд эмас. Аммо халқаро тиббий ҳамжамият бу йўналишда доимий тадқиқотлар олиб боради

 

Олтинчи афсона: халқ табобати билан саратонни даволаш мумкин

Бу айниқса хавфли. Айрим одамлар анъанавий тиббиётга ишониб, профессионал муолажадан воз кечади ва бу кўпинча ўлим билан тугайди.