Кейинги ҳафта икки давлат ТИВ раҳбари Тошкентга келади
Ташриф доирасида ҳукумат ташкилотларида учрашув ва музокаралар ўтказилади.
7-9 февраль кунлари Словения Республикаси Бош вазири ўринбосари − ташқи ишлар вазири Таня Фаён бошчилигидаги делегация Ўзбекистон Республикасида ташриф билан бўлади.
Ташриф доирасида Словения делегацияси Ташқи ишлар вазирлиги ва бошқа ҳукумат ташкилотларида учрашувлар ўтказади ҳамда Ўзбекистон-Словения бизнес-форумида иштирок этади.
Словения ТИВ раҳбарининг Жаҳон иқтисодиёти ва дипломатия университети профессор-ўқитувчилари ва талабалари билан учрашиши режалаштирилган.
Бундан ташқари, 9 февраль куни Венгрия ташқи ишлар ва ташқи савдо вазири Питер Сиярто Тошкентга келади.
Ташриф доирасида Ўзбекистон Республикаси ташқи ишлар вазири вазифасини бажарувчи Бахтиёр Саидов билан учрашув, шунингдек, бошқа вазирлик ва идораларда музокаралар ўтказилиши кўзда тутилган.
