Швейцария анъанавий бетарафликни бузиши мумкин
Гап Украинага қурол-яроғ етказиб берилиши ҳақида кетмоқда.
Швейцария Украинага нисбатан қурол-яроғ тақиқини бекор қилишга яқинлашмоқда.
Мамлакатда Украинага қурол етказиб бериш масаласи бўйича бўлиб ўтаётган мунозаралар ҳақида ҳисобот эълон қилинди.
Гарчи бу кўп асрлик бетарафлик анъаналарига зид келса-да, ҳукумат Швейцарияда ишлаб чиқарилган қуролларни Киевга ўтказишга қўйилган тақиқни бекор қилиш қарорига яқин турибди.
Сўнгги пайтларда Швейцария ҳукуматидан Украина қурол-яроғ етказиб беришга қўйилган тақиқни олиб ташлаш талаби тобора кўпайиб бормоқда, ваҳоланки, бу масалада парламентда ҳалигача консенсус йўқ.
Шунингдек, яқинда ўтказилган ижтимоий тадқиқот маълумотларига кўра, швейцарияликларнинг 55 фоизи қурол-яроғ реэкспорти ва уларни Украинага етказиб беришга қўйилган тақиқни бекор қилиш тарафдори.
Бироқ баъзи фуқаролар ва сиёсатчилар ҳамон қурол сотишга қарши.
Уларнинг фикрича, тақиқнинг бекор қилиниши давлатдаги тинчлик ва фаровонлик пойдеворини йўқ қилади.
