Бир кечада 275 та Украина дрони йўқ қилинди — Россия Мудофаа вазирлиги
Бир ҳафта давомида 6 808 та Украина дронини йўқ қилинган.

Россия Мудофаа вазирлиги маълумотига кўра, мамлакат ҳаво мудофааси тизимлари бир кеча давомида Украина томонидан юборилган 275 та учувчисиз учиш аппаратини ушлаб қолган ва йўқ қилган.
Вазирлик баёнотида дронлар Белгород, Брянск, Воронеж, Калуга, Курск, Ленинград, Новгород, Орёл, Псков, Ростов ва Смоленск вилоятлари, шунингдек, Қрим ҳамда Қора денгиз устида уриб туширилгани айтилган.
Маълумот учун, 20 ноябрга ўтар кечаси Россия ҳаво мудофааси 14 та ҳудуд ҳамда Азов ва Қора денгиз устида 310 та Украина дронини йўқ қилганини билдирган эди. Ўшанда Смоленск вилоятидаги фуқаролик саноат ва энергетика объектларига зарар етгани, бироқ қурбонлар бўлмагани хабар қилинган.
Россия Мудофаа вазирлиги маълумотларига кўра, бир ҳафта давомида мамлакат ҳаво мудофааси кучлари 6 808 та Украина дронини йўқ қилган.








