Ўзбекистондан Туркияга яна 71 кишидан иборат гуманитар ёрдам партияси етказилди
Қутқарув гуруҳи Газиантеп шаҳрига юборилган.
Туркиянинг Газиантеп шаҳрига Ўзбекистоннинг 71 кишидан иборат қўшимча қидирув-қутқарув ва тиббиёт ходимлари гуруҳи ҳамда навбатдаги гуманитар ёрдам партияси етказилди.
Ўзбекистон Мудофаа вазирлиги тиббий отрядининг 50 нафар ходими хизмат қиладиган бир гектар майдонга тўққизта алоҳида бўлинмадан иборат кўчма шифохона мажмуасини жойлаштириш режалаштирилган.
Ўзбекистон Республикаси Президенти Шавкат Мирзиёевнинг топшириғига биноан мамлакатимиз махсус борти зилзила оқибатида жабрланганларга шошилинч ёрдам кўрсатиш мақсадида Туркиянинг Газиaнтеп шаҳрига етиб борди.
Жабрланганларга ёрдам бериш мақсадида Ўзбекистон Мудофаа вазирлиги тиббий отрядининг 50 нафар ходими хизмат қиладиган бир гектар майдонга тўққизта алоҳида бўлинмадан иборат кўчма шифохона мажмуасини жойлаштириш режалаштирилган.
Ушбу дала шифохонаси барча зарур тиббий асбоб-ускуналар ва дори-дармонлар билан тўлиқ таъминланади.
