ОТМларда талабалар учта гуруҳга ажратилади
Вазирлик бу бўйича маълумот берди.
Ижтимоий тармоқларда Олий таълим, фан ва инновациялар вазири томонидан олийгоҳларда талабаларни уч гуруҳга ажратиш бўйича шошилинч топшириқ берилгани ҳақида хабарлар тарқалди. Ҳолатга вазирлик расмий муносабат билдирди.
Қайд этилишича, ижтимоий тармоқда тарқалган “Ёшлар ўртасида пайдо бўлаётган ёмон иллатлардан огоҳ қилиш мақсадида таъсирчан қисқа ҳикоялар нашр қилиш назарда тутилсин” деган сўзлар контекстдан узиб олинган.
Бироқ Олий таълим, фан ва инновациялар вазирлиги томонидан ҳозирда шундай ҳикоялар тўплами нашр этишга тайёрланган ва уларни ОТМларнинг ижтимоий тармоқлардаги саҳифалари ва каналларида эълон қилиниши назарда тутилган. Бундан ташқари, Олий таълим, фан ва инновациялари Иброҳим Абдураҳмоновнинг топшириғи билан ОТМларда электр энергия билан таъминлайдиган қуёш панелларини ўз маблағлари ҳисобидан ўрнатиш ишларини амалга оширилади.
Шунингдек, эндиликда республикадаги барча ОТМлардаги талабалар шартли равишда учта гуруҳга ажратилади.
Жумладан:
— Жиноятчиликка мойил талабалар;
— Ёт ғоялар таъсирига тушиш арафасидаги талабалар;
— Тартиб қоидаларга риоя этмайдиган талабалар.
Ажратиб олинган талабаларга вазирлик ва олий таълим муассасаларининг раҳбар-ходимларини бириктирилиб уларнинг ота-оналари билан индивидуал суҳбатлар ташкил этиб борилади ҳамда талабалар билан ҳам индивидуал равишда иш олиб бориш режалаштирилган.
