Politico: АҚШ разведкаси раҳбари Зеленскийга ҳарбий ёрдам камайиши мумкинлигидан огоҳлантирган
Уилям Бёрнс бу ҳақда январь ойида Киевга ташрифи давомида айтган.
АҚШ Марказий разведка бошқармаси директори Уилям Бернс Украина Президенти Владимир Зеленский билан январь ойида бўлиб ўтган учрашувда уни “ҳарбий ёрдам камайиб кетишидан” огоҳлантириб, “жанг майдонида имкон қадар тезроқ олға боришга” ундаган. Бу ҳақда «Politico» икки украиналик мулозимга таяниб, хабар берди.
Жаноб Зеленскийнинг исмини ошкор этмаган маслаҳатчининг сўзларига кўра, Киев АҚШ маъмуриятидаги баъзи амалдорлар Украинани ҳарбий ёрдамни камайтиришга рози бўлиши учун “Конгрессдан фойдаланаётганидан” хавотирда.
"Washington Post" газетасининг ёзишича, Уилям Бёрнс январь ойида Киевга яширинча борган ва у ерда Владимир Зеленский билан учрашган. ВП манбаларига кўра, Марказий разведка бошқармаси раҳбари жаноб Зеленскийга "Россиянинг яқин ҳафталар ва ойлардаги ҳарбий режалари" ҳақидаги тахминлари ҳақида маълум қилган.
Газета Бёрнс ҳарбий амалиётни тугатиш эвазига Украина ҳудудининг тахминан 20 фоизини Россияга беришни назарда тутувчи тинчлик режасини таклиф қилганини ёзди. Москва ва Киев бу таклифни рад этган. Ўз навбатида Оқ уй ОАВнинг бу хабарларини ёлғон деб атаган.
