Зеленский ва Эрдоған телефонлашди
Туркия тинчликка эришиш учун ҳисса қўшишга тайёр.
Украина ва Туркия Президентлари Владимир Зеленский ва Ражаб Тойиб Эрдоған телефон орқали мулоқот қилди. Туркия етакчиси тинчликка ўз ҳиссасини қўшишга тайёрлигини маълум қилди, бироқ “ўт очишни тўхтатиш асосида”.
Қайд этилишича, икки давлат раҳбарлари Россия қўшинларининг Украина ҳудудига кенг кўламли бостириб кирганининг бир йиллиги фонида Украинадаги вазият, шунингдек, Туркиядаги вайронкор зилзилалар оқибатлари ҳақида фикр алмашган.
“Туркия Президенти ўз мамлакатининг тинчлик ўрнатиш ва вазиятни ўт очишни тўхтатиш ва мулоқот асосида ҳал этишга қўшган ҳиссасини кучайтиришга тайёрлигини маълум қилди”, — дейилади хабарда.
