“Челси” Феликсни сотиб олади деб умид қиламан”
Энсо Фернандес португалиялик футболчи ҳақида гапирди.
“Челси” ярим ҳимоячиси Энсо Фернандес январь ойида “Атлетико Мадрид”дан ижарага олинган “кўклар”нинг янги футболчиси Жоау Феликснинг ўйини ҳақида гапирди.
“Феликс ажойиб ўйинчи. У ажойиб фазилатларга эга, бу эса уни жамоамизнинг асосий фигурасига айлантиради. Умид қиламанки, «Челси» уни ёзда сотиб олиш учун қўлидан келганини қилади”, — дея Фернандеснинг сўзларидан “The Guardian” нашри иқтибос келтирди.
Эслатиб ўтамиз, “Челси” ҳозирда 23 турдан кейин 31 очко билан АПЛ турнир жадвалида 10-ўринда бормоқда. Кейинги турда Грем Поттер шогирдлари «Тоттенҳем» билан ўйнайди.
