Президент: Барчамиз жаҳон савдо алоқалари заифлашуви, саноат ва логистика занжирлари узилишининг салбий таъсирини бевосита ҳис қилаяпмиз

 

Шавкат Мирзиёев Боку шаҳрида ўтаётган Қўшилмаслик ҳаракати Мулоқот гуруҳи саммитида нутқ сўзлади. Президент бир қатор муҳим ташаббусларни илгари сурди.

 

 Давлат раҳбари Қўшилмаслик ҳаракатининг махсус мониторинг ва илмий тадқиқот тармоғини ташкил қилишни таклиф этди ва ушбу институтни Ўзбекистонда жойлаштиришга тайёрлигини билдирди.

 

Шунингдек, афғон масаласи бўйича алгоритмни келишиш учун БМТ ҳузурида Халқаро музокаралар гуруҳини ташкил этиш таклифини илгари сурди.

 

Кун тартибидаги глобал масалалардан бири – давом этаётган ва якуни ҳали кўринмаётган иқтисодий инқироз асоратларини юмшатиш сифатида Ташкилот саммитлари арафасида Қўшилмаслик ҳаракати Иқтисодий форумини мунтазам ўтказиб бориш ташаббусини билдирди.

 

Ҳаракат Ёшлар тармоғининг “Чексиз имкониятлар саммити”ни келгуси йил жаҳон цивилизацияси марказларидан бири бўлган кўҳна Самарқандда ташкил этишни таклиф этилди.