“От ўрнини той босар”
Жон Кеннедининг жияни АҚШ Президенти бўлмоқчи.
Сенатор Роберт Френсис Кеннедининг кичик ўғли ва АҚШнинг 35-президенти Жон Фисжералд Кеннедининг жияни кичик Роберт Френсис Кеннеди 2024 йилда президентликка номзодини қўймоқчи. У Демократик партиянинг праймеризларида иштирок этиш ниятида.
“Мен бу ҳақда ўйладим. Мен энг катта тўсиқни енгиб ўтдим - рафиқам менга яшил чироқ ёқди ", - дейди жаноб Кеннеди.
Сиёсатчи АҚШнинг амалдаги Президенти Жо Байден иккинчи муддатга номзодини қўйса, у билан рақобатлашишга тайёрлигини таъкидлади.
69 ёшли кичик Роберт Кеннеди атроф-муҳит ифлосланиши ва вакцинага қарши фаол сифатида танилган. Ҳозиргача бўлажак сайловларда ўз номзодини эълон қилган энг машҳур шахс АҚШнинг 45-президенти Доналд Трамп бўлиб турибди.
