Америкалик аёл ютуқли лотереяни адашиб ташлаб юборди
Жекпот миқдори 1 миллион доллар.
АҚШнинг Мичиган штатида яшовчи фуқаро лотереяда жекпотни ютиб олди. Бироқ адашиб лотерея чиптасини ташлаб юборди.
30 ёшли аёл бир жуфт лотерея чипталарини сотиб олганди.
“Мен ҳар ой лотерея ўйнайман. Кечқурун дўконга бордим ва иккита чипта сотиб олишга қарор қилдим. Машинага қайтиб, мен ҳимоя қатламини ўчирдим ва иккала чиптада ҳам ютуқ йўқ, деб ўйладим, шунинг учун уларни ахлат қутисига ташладим”, — деди аёл.
Эртаси куни эрталаб у чипталарни бутунлай ташлаб юборишдан олдин уларни яна бир марта текширишга қарор қилди.
“Бир миллион доллар ютганимни кўрганимда, юрагим тез ура бошлади. Мен ҳушдан кетаман деб ўйладим. Дарҳол онам ва эримга қўнғироқ қилиб, хушхабарни айтдим. Чиптани икки марта текширишга қарор қилганимдан жуда хурсандман!” — деди ғолиб.
