Саида Мирзиёева АҚШ Давлат департаменти вакиллари билан учрашди
Унда ОАВ ва сўз эркинлиги масалалари муҳокама қилинди.
Бугун Ўзбекистон Республикаси Президенти Администрацияси Ижро этувчи аппаратининг Коммуникациялар ва ахборот сиёсати бўйича шўъба мудири Саида Мирзиёева АҚШ Давлат котибининг Жанубий ва Марказий Осиё бўйича ёрдамчиси Доналд Лу билан учрашди.
Таъкидланишича, учрашувда маданий меросни асраб-авайлаш, оммавий ахборот воситалари ва сўз эркинлигини ривожлантириш ҳамда вазиятни яхшилаш учун давлатлар биргаликдаги ҳамкорлиги каби муҳим масалалар кўтарилган.
Шунингдек, Ўзбекистон ва АҚШнинг таълим соҳасидаги ўзаро ҳамкорлиги, бугунги кунда республикада бу борада амалга оширилаётган ислоҳотлар ва келгусидаги ҳамкорлик масалалари муҳокама қилинди.
"Таълим стратегиясини ишлаб чиқиш ва амалга оширишни мувофиқлаштирувчи Президент Администрацияси ходими сифатида мен учун болалар ва ёшларда танқидий фикрлашни ривожлантириш устувор вазифа эканини таъкидладим", – деб ёзган Саида Мирзиёева ўзининг Телеграм каналида.
