Россия яна бир дўстидан айрилди
Энди Венгрия ҳам нодўстона мамлакатлар қаторида.
Венгрия санкцияларга қўшилгани учун Россияга нисбатан дўстона бўлмаган давлатлар қаторига киради. Бу ҳақда Россиянинг Венгриядаги элчиси Евгений Станиславов айтиб ўтди.
“Факт шуки, Венгрия Брюсселнинг Россияга қарши барча санкциялар пакетларига қўшилган ва уларга қатъий риоя қилишга мажбур. Шунинг учун у Россияга нисбатан дўстона муносабатда бўлмаган, бизнинг жавоб чораларимиз қўлланилиши мумкин бўлган давлат сифатида таснифланади”,- дейди Станиславов.
“Будапешт прагматик позицияни намойиш этмоқда, у ҳатто Европа Иттифоқи ва НАТОдаги иттифоқчилари босими остида ҳам таслим бўлмоқчи эмас”, — дея қўшимча қилди дипломат.
