Айрим ўқитувчиларга бериладиган устамалар миқдори маълум бўлди
Бу ҳақда Мактабгача ва мактаб таълими вазирлиги брифингида маълумот берилди.
Қишлоқларда жисмоний тарбия фанидан дарс берувчи аёл ўқитувчиларга 15% устама белгиланади.
Шунингдек, бошқа ҳудудлардан жалб қилинган педагогларга:
🔸 Таълим даражаси юқори бўлмаган мактабларда дарс бериш учун бошқа туман ва шаҳарлардан келиб ишлайдиган, олий ва биринчи тоифали ўқитувчиларга —50 фоиз;
🔸 бошқа маъмурий-ҳудудий бирликдан келиб ишлайдиган олий ва биринчи тоифали ўқитувчиларга —100 фоиз;
🔸 Олис ҳудудларда жойлашган мактабларда бошқа ҳудудлардан келиб ишлаётган педагогларга — иш стажидан келиб чиқиб базавий тариф ставкаларига 10 фоизидан 50 фоизгача;
🔸Шароити оғир ва ноқулай бўлган жойларда ишловчи ходимларга — иш ҳақи суммасининг 10 фоизидан 60 фоизигача тўланади.
Қўшимча педагогик ишлар учун:
➖ Синфдаги ўқувчилар сонига кўра синф раҳбарликка — меҳнатга ҳақ тўлаш энг кам миқдорининг 26,4 фоизидан 52,8 фоизигача;
➖ Дафтар ва ёзма иш текширганликка — меҳнатга ҳақ тўлаш энг кам миқдорининг 8,8 фоиздан — 17,6 фоизгача;
➖ Информатика кабинети мудирлиги учун — меҳнатга ҳақ тўлаш энг кам миқдорининг 17,6 фоизи ;
🔹 Тошкент ислом университетини битирган педагог ходимларга —лавозим маошининг 20 фоизида устамалар тўланади.
