0
Россияда улкан ўрмонлар ёнмоқда, 21 киши қурбон бўлди
Шифокорларнинг айтишича, қурбонлар сони яна ортиши мумкин.
Россиянинг Курган вилоятидаги ёнғин қурбонлари сони 21 кишига етди. Бу ҳақда шифокорлар маълумотига асосланиб, ТAСС хабар бермоқда.
Aввалроқ 19 киши ҳалок бўлгани ҳақида хабар берилган.
Шифокорларнинг айтишича, қурбонлар сони ортиши мумкин.
Таъкидлаш керакки, ўтган ҳафтада Урал ҳудудида ўрмон ёнғинлари билан боғлиқ вазият кескинлашди. 8 май куни Свердловск вилоятида 65 та, Курган вилоятида 13 та йирик ёнғин содир бўлди. Оқибатда аҳоли пунктларида юзлаб бинолар ёниб кетди, одамлар ҳалок бўлди ва яраланди.
Россия Фавқулодда вазиятлар вазирлиги раҳбари Aлександр Куренков ўт ўчирувчилар Уралдаги табиий ёнғинларни 9 май куни тунгача бартараф этишга ваъда берганди.
