Россия меҳнат бозорида ўзбекистонликлар етакчи: тўққиз ойлик статистика эълон қилинди
Тўққиз ойда 1,5 миллиондан ортиқ фуқаро ушбу мақсадда мамлакатга кирган.

2026 йил январь–сентябрь ойларида 1 535 026 нафар Ўзбекистон фуқароси Россияга ишлаш мақсадида келган. Бу кўрсаткич билан ўзбекистонликлар Россияга иш излаб келган хорижий фуқаролар орасида биринчи ўринни эгаллаган. Бу ҳақда ТАСС агентлиги кўриб чиққан маълумотларда келтирилган.
Ушбу рўйхатда иккинчи ўринни Тожикистон фуқаролари эгаллаган — 665 892 киши. Учинчи ўринда эса 289 061 нафар фуқаро билан Қирғизистон қайд этилган.
Биринчи бешликдан, шунингдек, Қозоғистон (176 037 нафар) ва Хитой (127 176 нафар) фуқаролари ҳам жой олган.
Россияда ишлаш мақсадида бўлган бошқа хорижликлар орасида Арманистон (111 235), Озарбайжон (83 991), Ҳиндистон (38 816), Туркманистон (19 038) ва Туркия (12 873) фуқаролари ҳам бор.
Ўзбекистон фуқаролари 2025 йилда ҳам Россияга ишлаш учун келган хорижликлар орасида етакчилик қилган. Ўтган йилнинг январь–сентябрь ойларида бу мақсадда Россияга 1 771 406 нафар ўзбекистонлик кирган. Бу 2026 йилнинг шу давридаги кўрсаткичдан 236 380 нафарга кўп.








