Бу йил “Сўнгги қўнғироқ” қандай ўтиши керак?
Мактабгача ва мактаб таълими вазирлиги “Сўнгги қўнғироқ” тадбирларини ўтказиш бўйича тавсияларни эълон қилди.
Вазирлик томонидан “Умумий ўрта таълим муассасаларида 2022-2023-ўқув йилини якунлаш ва “Сўнгги қўнғироқ” тадбирларини ўтказиш бўйича тавсиялар” ишлаб чиқилди.
Унга кўра:
- "Сўнгги қўнғироқ” тадбирлари 25 май куни соат 8:00 дан 9:00га қадар “Илмни қадрланг, илмга интилинг!” шиори остида ташкил этилади;
- унга фақатгина 1-, 4-, 9-, 11-синф ўқувчилари жалб этилади;
- мактаб ҳудудига техника воситалари ва бегона шахслар киритилмайди (ота-оналар ва ҳуқуқни муҳофаза қилиш идоралари вакиллари бундан мустасно);
- “Сўнгги қўнғироқ” тадбирларини, назорат имтиҳонлари ва якуний давлат аттестасияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул йиғимларига йўл қўйилмайди.
