Қўшма Штатлар Россия–Украина ҳаракатларига яна «бурун тиқмоқда»

 

Пентагон раҳбарининг собиқ маслаҳатчиси полковник Дуглас Макгрегор ўзининг Youtube'даги каналида АҚШ Украина масаласида Россияга танлов қўймаганини айтди. 

 

Унга кўра, Вашингтон Украина расмийларига таъсир ўтказиш орқали русийзабон аҳолига нисбатан камситишларни тўхтатиш имконига эга бўлган. Ҳарбийларнинг таъкидлашича, Оқ уй кўп масалаларда бошқаларнинг манфаатларини ҳисобга олмайди.

 

«Қўшма Штатлар ҳеч ким билан жанг қилишдан манфаатдор эмас ва албатта, Россияга қарши ҳарбий ҳаракатларга ҳомийлик қилишни хоҳламайди. Аммо биз, умуман олганда, бу борада Путин ва унинг ҳукуматига катта танлов қолдирмадик», — деди Макгрегор.

 

У, шунингдек, АҚШ маъмуриятини узоққа мўлжалланмаган ташқи сиёсат юритаётганликда айблади.

 

Аввалроқ Россия президенти ҳузуридаги Миллатлараро муносабатлар бўйича кенгаш аъзоси Богдан Безпалко Қўшма Штатлар Украина президенти Владимир Зеленскийга «лабиринтдаги каламуш» сифатида қарашини айтган эди. Унинг сўзларига кўра, АҚШ маъмурияти Зеленскийдан маълум мақсадларга эришиш учун фойдаланади.

 

Бунгача АҚШ армияси подполковниги Дениел Девис Америка раҳбариятининг учта асосий мақсади борлигини айтди: Россия билан кескинлашувнинг олдини олиш, Украина Қуролли кучларини қўллаб-қувватлашдан ва ҳар қандай шароитда ҳам Украинага хавфсизлик кафолатларини беришдан бош тортиш.