ОТМларда пулларини тўлаш муддати 10 июнгача узайтирилди
Давлат ОТМларда тўлов-контракт маблағларини тўлаш муддати 10 июнгача узайтирилди.
Ўзбекистон олий таълим муассасаларида контракт тўловини тўлаш муддати 10 июнга қадар узайтирилди, деб хабар бермоқда Олий таълим, фан ва инновасиялар вазирлиги матбуот хизмати.
Давлат комиссиясининг тегишли қарорига мувофиқ 2022/2023 ўқув йилида олий таълим муассасаларининг бакалавриат таълим йўналишлари, магистратура мутахассисликларига тўлов-контракт, жумладан, табақалаштирилган тўлов-контракт асосида талабаликка тавсия этилган абитуриентлар, ўқиши кўчирилган (кўчириб тикланган) ва қайта тикланган талабалар ўқиши учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2023 йилнинг 10 июни (шу куни ҳам) этиб белгиланди.
Шунингдек, коллеж ва техникумларга ўқувчиликка тавсия этилган абитуриентлар (1-босқич ўқувчилари) учун ҳам муддат 10 июнга қадар узайтирилди. Бунда 2023 йил 15 мартдан кейин контрактини тўлаганларнинг тўлови ҳам инобатга олинади.
