0
Сурхондарёда поезд автомобиль билан тўқнашди
Автомобилда носозлик юзага келиб, темир йўл устида тўхтаб қолган.
Сурхондарёда йўловчи поезди автомобил тўқнашиб кетди. Бу ҳақда Сурхондарё вилояти ИИБ ЖХХ ЙҲХБ Ахборот хизмати маълум қилди.
Аниқланишича, 21 июнь куни соат тахминан 08:00 лар атрофида Сурхондарё вилояти, Қумқўрғон туманидаги қўриқланмайдиган темир йўл кесишмаси орқали ҳаракатланган Жигули русумли транспорт воситасида носозлик юзага келиб, темир йўл устида тўхтаб қолган.
Оқибатда автомобиль ва йўловчи поезди иштирокида тўқнашув содир бўлган.
Қайд этилишича, ҳайдовчи ва йўловчилар автомашинани тарк этишга улгурган. Ҳодиса натижасида тан жароҳати олган фуқаролар йўқ. Ҳозирда мазкур ЙТҲ юзасидан Сурхондарё вилояти, Қумқўрғон тумани ИИБ томонидан суриштирув олиб борилмоқда.
