Қуръоннинг ёқилиши Швециянинг НАТОга аъзолигини хавф остига қўйди
Стокҳолмда Қурбон ҳайитини нишонлаш чоғида Қуръоннинг таҳқирланиши ва ёқиб юборилгани дунёнинг кўплаб давлатларида кенг норозилик уйғотди.
Стокҳолмда Қурбон ҳайитини нишонлаш чоғида Қуръоннинг таҳқирланиши ва ёқиб юборилгани дунёнинг кўплаб давлатларида кенг норозилик уйғотди.
Ироқ Швеция расмийларидан бу ҳаракатни содир этган муҳожирни судга топширишни талаб қилди, ўнлаб ироқликлар Бағдоддаги мамлакат элчихонаси олдида намойишга тўпланишди. Воқеа шунингдек, Жазоир, Афғонистон, Миср, Индонезия, Ливан, Сурия, Туркия, Ўзбекистон, Араб давлатлари лигаси Бош котиби Аҳмад Абул-Гайт ва Форс кўрфази араб давлатлари ҳамкорлик кенгаши бош котиби томонидан қораланган.
Иордания ва БАА ташқи ишлар вазирликлари Швеция элчиларини чақириб, уларга норозилик нотасини тақдим этишди. Туркия президенти бу ҳаракатни “қабиҳлик” деб атади. Россия Ташқи ишлар вазирлиги ушбу ҳодиса иштирокчиларининг жазосиз қолиши олдиндан айтиб бўлмайдиган ҳалокатли оқибатларга олиб келиши мумкинлигини ва жаҳон ҳамжамияти бундай ноқонуний ҳаракатларга қаршилик кўрсатиши кераклигини айтди.
Финляндия ва Швеция 2022-йилнинг май ойида Украинадаги воқеалар фонида алянсга қўшилиш учун ариза топширган. 2023-йил 4 апрель куни Финляндия НАТОнинг 31-аъзосига айланди. Швециянинг аризаси ҳали Венгрия ва Туркия томонидан маъқулланмаган.
