0
Ўзбекистонда 2023 йилда қанча ғалла етиштирилгани маълум бўлди
Республика бўйича ҳосилдорлик кўрсаткичи ўртача ҳар гектаридан 71-73 центнерни ташкил этди.
Қишлоқ хўжалиги вазирлиги маълумотларига кўра, бугунги кунга қадар республика бўйича фермер хўжаликлари ва қишлоқ хўжалиги корхоналари томонидан жами 8,1 млн тоннадан ортиқ дон етиштирилди. Натижада сувли майдонларда ўртача ҳосилдорлик 70,5 центнердан ортган.
Таъкидланишича, ғалла ҳосилдорлиги Бухоро вилоятида 74,8 центнер, Тошкентда 74,2 центнер, Самарқандда 73.8 центнер, Фарғонада 73,7 центнер, Андижонда 73,5 центнер, Хоразм 73 центнер, Сурхондарёда 72,3 центнер, Сирдарёда 72,1 центнер, Наманганда 72,6 центнерни ташкил қилди.
Республика бўйича ҳосилдорлик кўрсаткичи ўртача ҳар гектаридан 71-73 центнерни ташкил этди.
