Республика бўйича 2023 йилда қанча хотин-қизга ҳимоя ордери берилгани маълум қилинди
Ҳимоя ордери бериш натижасида 7965 та оилани яраштиришга эришилган.
Оила ва хотин-қизлар қўмитаси маълумотларига кўра, 2023 йилнинг олти ойида 18704 нафар тазйиқ ва зўравонликдан жабрланган хотин-қизларга ҳимоя ордери берилган.
Ҳимоя ордери бериш натижасида 7965 та оилани яраштиришга, 9720 та оилада низони бартараф этишга эришилган.
Шунингдек, мутахассислиги бўйича 5 йиллик меҳнат стажига эга, лекин олий маълумотли бўлмаган 12 563 нафар хотин-қизлардан аризалар қабул қилинди, белгиланган мезонлар асосида 11 992 нафарига тавсиянома берилди.
