Тошкент вилоятида 10 гектар ер майдонини 24 млн долларга сотмоқчи бўлган мансабдор ушланди
У олдиндан 1,5 млн доллар талаб қилган
Давлат хавсизлик хизматининг хабр беришича, Тошкент вилояти Зангиота тумани Давлат хизматлари маркази ходими юқори лавозимда ишловчи танишлари орқали, бошқа бир фуқарога Тошкент туманида жойлашган ва давлат захирасида бўлган 10 гектар суғориладиган ер майдонини 24 млн АҚШ долларига сотиб олиб беришини айтиб, ер майдонига эгалик ҳуқуқини берувчи қарорни чиқартириб бериш эвазига келишилган суммадан 1,5 млн АҚШ долларини беришини талаб қилган.
Натижада у олдиндан 200 минг АҚШ доллари олган вақтида ашёвий далиллар билан қўлга олинган.
Шунингдек, шунга ўхшаш бошқа ҳолатда эса Тошкент вилоятининг Ўртачирчиқ туманида яшовчи, 1972 йилда туғилган муқаддам судланган шахс 2021 йилда Бўстонлиқ тумани ҳокимлиги томонидан маҳаллий қурилиш фирмасига инвестиция киритиш дастури асосида кўп қаватли турар-жойлар барпо этиш учун ажратилган 4 гектар ер майдонини мансабдор танишлари орқали харидорга олиб бериш эвазига 2,5 млн АҚШ доллари талаб қилиб, сўралган пулдан 200 минг АҚШ долларини олган вақтида ушланган.
