Ўзбекистонга кириш учун 2023 йилда 60 мингдан ортиқ чет эл фуқаросига виза берилди
Шунингдек, олти ой ичида 523 нафар одам савдоси қурбони бўлган ёки қийин вазиятда қолган фуқаролар Ўзбекистонга қайтарилди
Ташқи ишлар вазирлиги маълумотларига кўра, 2023 йилнинг ўтган олти ой мобайнида 60 744 нафар чет эл фуқаросига Ўзбекистонга кириш визалари берилган, шундан 32 477 таси электрон тарзда расмийлаштирилган.
Шунингдек, чет элда қийин вазиятларда қолган, жумладан, одам савдоси қурбони бўлган, ёки ишсиз, боқувчисиз қолганлар ва бошқа мураккаб аҳволдаги 523 нафар фуқаролари ватанга қайтарилди, 113 нафари вақтинча сақлаш муассасаларидан олиб чиқилди.
Бундан ташқари, паспорти иш берувчилар томонидан ноқонуний тарзда олиб қўйилган 133 нафар Ўзбекистон фуқаросига шахсини тасдиқловчи ҳужжатлар қайтариб олиб берилди.
