Ўзбекистоннинг олтин-валюта захиралари камайди
Олтин-валюта захиралари кетма-кет учинчи ой камайди.
Ўзбекистоннинг расмий захира активлари ва чет эл ваютасидаги бошқа активлари 1 август ҳолатига кўра, 33,72 млрд доллардан 33,64 млрд долларга камайди. Бу ҳақда Марказий банк матбуот хизмати хабар берди.
Унга кўра, 1 август ҳолатига, Ўзбекистоннинг расмий захиралари 33,64 млрд долларни ташкил қилди. Ушбу кўрсаткич жорий йил бошида 35,7 млрд долларни ташкил қилган.
Жумладан, Ўзбекистоннинг халқаро захиралари таркибида олтиннинг улуши 12,1 млн троя унциядан 11,8 млн троя унцияга, қиймати эса 23,08 млрд доллардан 23,02 млрд долларга пасайган.
Шунингдек, захираларнинг хорижий валюта қисми ҳам 9,57 млрд доллардан 9,56 млрд долларга камайган.
