Япония Фукусима АЭСдаги сувни океанга тўкишни бошлади
Сув резервуарларининг 90 фоизи тўлиб кетгани сабаб Япония ҳукумати сувни океанга тўкишга қарор қилган.
Режага кўра, биринчи сув чиқариш даври 17 кун давом этади, жами 7800 тонна тозаланган сув денгиз суви билан суюлтирилади. TEPCO жорий молиявий йилда 31200 тоннани ташлашни кутмоқда.
АЭС раҳбарияти аввалроқ бўлажак операция хавфсизлигига ишонтирган эди. Япония атроф-муҳит вазирлиги операция хавфсизлигини намойиш этиш мақсадида сув чиқарилгандан кейин сув ва балиқ намуналарини олади: натижалар бир ҳафта ёки ундан олдин эълон қилинади.
TEPCO компанияси сувни доимий равишда текшириб туришини ва махсус тизим титандан ташқари барча радиоактив нуклидларни фильтрлашини таъкидлади. Шу билан бирга, мутахассислар ушбу сувдаги титан даражаси тушириш пайтида хавфсиз чегараларда бўлишига ишонтирмоқда.
Оммавий ахборот воситаларида Хитой АЭС авария блокидан сув чиқарилиши бошланганлиги сабабли Япониядан денгиз маҳсулотларини олиб киришни тўхтатаётгани ҳақида хабарлар пайдо бўлди.
АЭСдаги сув 2011-йилги авариядан кейин реакторларни совутишда ишлатилган. Сув яхшилаб тозаланган, аммо унда ҳали ҳам водороднинг радиоактив изотопи — тритий бор. Сув резервуарларининг 90 фоизи тўлиб кетгани сабаб Япония ҳукумати сувни океанга тўкишга қарор қилган.
