Уйқуни яхшилаш учун тунда қандай ичимликларни ичган маъқул?

 

Тунда танлайдиган ичимликларимиз албатта уйқу сифатига таъсир кўрсатади. Агар уйқунгиз тартибсиз бўлиб қолгани ва тонгда уйғониш қийинлашганини сезсангиз, одатларингизни ўзгартиришга тўғри келади. Қуйида фойдали ичимликлар билан таништирамиз.

 

Иссиқ сут

Иссиқ сут ва печенье – кечки меньюнинг ажралмас қисми. Одатда болалар сутни ёқтиришади, аммо бу усул катталарда ҳам иш бериши исботланган. Айрим экспертлар буни иссиқ сут таркибидаги триптофан моддаси билан боғлашади, бу модда мелатонин “уйқу гормони” ишлаб чиқарилишини фаоллаштиради.

 

Мойчечакли чой

Мойчечакли чой кенг тарқалган уйқу олдидан  табиий тинчлантирувчидир. У уйқусизликдан азият чекувчиларга тавсия қилинади. Мойчечакли чой самарали тинчлантиради ва бошқа ичимликлардан фарқли равишда кофеин сақламайди.

 

Бодом сути

Ўсимлик рациони тарафдорлари уйқу олдидан бир стакан бодом сути ичишни синаб кўришлари мумкин. Унинг таркибидан ҳам триптофан етарлича, бунинг устига бодом сути магнийга бой бўлиб, уйқу сифатини оширади.

 

Кокос суви

Кокос суви таркибида магний ва калий бўлиб, улар уйқуни яхшилаш ва мушакларни бўшаштиришга хизмат қилади. Бунинг устига, В витамини стресс даражасини туширишга ёрдам беради.

 

Бананли смузи

Қаттиқ ухлашнинг яна бир усули – бананли смузи ичишдир. Кичикроқ бананни бир стакан бодом сути билан аралаштириш кифоя. Бу ичимлик тунги тамаддининг ҳам ўрнини боса олади.