Шаҳарсозлик соҳасидаги айрим мутахассисларни сертификатлаш тизими жорий этилади
Президент тегишли фармонни имзолади.
Президентнинг «Маъмурий ислоҳотлар доирасида қурилиш ва уй-жой коммунал хўжалиги соҳасида давлат бошқарувини самарали ташкил қилиш чора-тадбирлари тўғрисида»ги Президент фармони қабул қилинди.
Ҳужжатга кўра, Тошкент шаҳар Уй-жой коммунал хизмат кўрсатиш бош бошқармаси ва туманлар бўлимлари Тошкент шаҳри ҳокимлиги бўйсунувидан Қурилиш ва уй-жой коммунал хўжалиги вазирлиги бўйсунувига ўтказилиб, Тошкент шаҳар Уй-жой коммунал хўжалиги бош бошқармаси ва туманлар бўлимларига айлантирилади.
Шунингдек, қурилиш фаолияти субъектларининг (буюртмачи, лойиҳачи, пудратчи бўйича) мажбурий тартибдаги назорат тадбирлари «Шаффоф қурилиш» миллий ахборот тизимининг «Қурилишда давлат назорати» электрон платформасида амалга оширилади. Қарор билан шаҳарсозлик соҳасидаги қуйидаги тоифа мутахассисларни 2023 йил 1 октябрдан уларнинг фаолият йўналишлари бўйича ҳар 3 йилда бир марта сертификатлаш тизими жорий этилади:
-
-
-
- лойиҳа бошқарувини ва техник назоратни, шу жумладан йўналишлар бўйича назоратни олиб борувчи мутахассислар;
- лойиҳа ташкилотларининг муаллифлик назоратини олиб борувчи мутахассислар, шунингдек, лойиҳа бош муҳандислари ва бош архитекторлари;
- пудрат ташкилотларининг ички назоратини амалга оширувчи мутахассислар.
-
-
Шунингдек, 2024 йил 1 январдан:
-
- назорат ўлчовини амалга оширувчи мутахассислар;
- эксперт ташкилотлари экспертлари;
- кўп квартирали уйларни бошқариш органлари раҳбарлари.
Шу билан бирга, 2024 йил 1 апрелдан:
-
- туман (шаҳар) ва вилоят архитекторлари;
- қурилиш ва уй-жой коммунал хўжалиги соҳасида назорат қилиш ҳудудий инспекциялари инспекторлари.
Бунда, мутахассисларни сертификатлаш ишларини ташкил этиш бўйича ишчи орган функцияси Вазирлик ҳузурида ташкил этилаётган Компетенцияни ривожлантириш институтига юкланади.
