Самарқандда 2 мингта машина жарима майдончасига жойлаштирилди
МИБ ҳамда ЙҲХБ ҳамкорлигида ўтказилган қўшма рейдлар давомида 9 ойда 2 152 та автотранспорт воситалари вақтиналик сақлаш учун жарима майдончасига қўйилган, шундан 1 856 таси жарималарни тўлаганлиги сабабли жарима майдончасидан чиқарилган.
Мажбурий ижро бюроси Самарқанд вилояти бошқармаси томонидан вилоят ИИБ ЖХХ ЙҲХБ маъмурий амалиёт бўлими ходимлари билан ҳамкорликда маъмурий жарималарни ундириш юзасидан қўшма рейд тадбирлари ўтказилмоқда.
Жорий йилнинг ўтган 9 ойи давомида 76 646 та ижро ҳужжатлари бўйича 50 миллиард 120 миллион сўм маблағлар ундирилган. Шундан, ИИБ ЖХХ ЙХХБ органлар қарорлари асосида 66 554 та ижро ҳужжатлари бўйича 23 миллиард 852 миллион сўм маблағларни ундириш бўйича ҳужжатларнинг ижроси таъминланган.
Қўшма рейдлар давомида ўтган даврда 2 152 та автотранспорт воситалари вақтиналик сақлаш учун жарима майдончасига қўйилган бўлса, шундан 1 856 таси жарималарни тўлаганлиги сабабли жарима майдончасидан чиқарилган.
Мисол учун, қидирувда бўлган суд хужжатида гаров муки сифатида бахоланган фуқаро Ф.Т.га тегишли "Equinox" русумли автоулови ҳам рейд тадбирида вақтинчалик сақлаш учун жарима майдончасига қўйилди.
Маъмурий жарималарни ундириш ишлари давом эттирилмоқда.
