Бугун барча ходимлар ишдан бир соат эрта кетиши мумкин

Меҳнат кодексининг 187-моддасига кўра, байрам кунлари арафасида ҳар кунлик ишнинг (сменанинг) давомийлиги барча ходимлар учун камида бир соатга қисқартирилади.

Эртага 1 сентябрь — Мустақиллик куни, яъни ишланмайдиган байрам.

Демак, бугун ишга чиққан ходимлар бир соат вақтлироқ уйига кетишига ҳақли.

Эслатиб ўтаман, байрамдан олдинги куни ишнинг (сменанинг) давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади.

Мустақиллик куни муносабати билан ходимлар кетма-кет уч кун дам олади.