Бухорода дарахтлар кесилиб, табиатга 50 млн зарар етказилди
Ҳуқуқбузарга қандай чора кўрилгани маълум қилинди.
Ижтимоий тармоқларда Бухоро вилояти Ғиждувон туманида йўл қурилиш ишлари олиб борилаётганлиги, қурилиш давомида манзарали дарахтлар қўпориб ташланганлиги ҳақида хабар тарқалди.
Аниқланишича, Ғиждувон тумани йўллардан фойдаланиш унитар корхонаси томонидан 4 туп манзарали дарахт қўпориб ташланган ва табиатга 50 миллион 325 минг сўм зарар етказилган.
Ҳолат юзасидан корхона директори Э.Ф.гa нисбатан маъмурий баённома расмийлаштирилган. Шунингдек, ҳуқуқбузар қўшимча жазо тариқасида кесилган дарахтлар ўрнига жами 400 туп дарахт экиш ва уни парваришлаш мажбурияти юкланган.
“Тегишли ҳужжатлар ҳуқуқбузарга чора кўриш учун суд органларига юборилди”, — дейилади Экология вазирлиги хабарида.
